Մխիթարյանի հուզիչ խոսքերը Լուչեսկուի մասին
Wed, 08 Apr 2026 13:15:53 +0400
Հայաստանի ազգային հավաքականի նախկին ավագ Հենրիխ Մխիթարյանը հուզիչ գրառում է կատարել՝ նվիրված ռումինացի անվանի մարզիչ Միրչա Լուչեսկուի հիշատակին,որը երեկ մահացել է:
Մխիթարյանը սոցիալական ցանցերում կիսվել է իր մտքերով՝ ընդգծելով Լուչեսկուի կարևոր դերը իր կարիերայում։ Նրա խոսքով՝ հենց Լուչեսկուն էր այն առաջին մարզիչներից մեկը, ով իրեն հնարավորություն տվեց զարգանալ և սկսել միջազգային կարիերան։
Հայ ֆուտբոլիստը նշել է, որ միշտ երախտապարտ կլինի այդ հնարավորության համար՝ ընդգծելով, որ մանկուց երազել է նման ուղի անցնելու մասին։ Նա նաև առանձնացրել է մարզչի վստահությունը, առաջնորդությունը և այն մեծ ազդեցությունը, որը Լուչեսկուն ունեցել է իր՝ որպես խաղացողի և մարդու ձևավորման վրա։
Մխիթարյանը իր խոսքում նշել է, որ ֆուտբոլը կորցրել է իսկական ջենթլմենի և խաղի տեսլական ունեցող մեծ մասնագետի։