Մի շարք երկրներ պնդում են՝ Իրանը խախտել է հրադադարը
Wed, 08 Apr 2026 14:30:45 +0400
Բահրեյնում իրանական անօդաչու թռչող սարքի հարձակման հետևանքով վիրավորվել է երկու մարդ՝ հրադադարի հայտարարումից մի քանի ժամ անց, հայտնել է թագավորության Ներքին գործերի նախարարությունը։
«Իրանական ագրեսիայի հետևանքով երկու քաղաքացի թեթև վնասվածքներ են ստացել, իսկ Սիտրա շրջանում մի քանի տներ վնասվել են բեկորներից՝ իրանական անօդաչու թռչող սարքի խափանման ժամանակ», – ասվում է նախարարության հայտարարության մեջ։
Դեպքը տեղի է ունեցել ԱՄՆ-Իրան հրադադարի ուժի մեջ մտնելուց մի քանի ժամ անց, պնդում է Բահրեյնի ՆԳՆ-ն։
Թեհրանը դեռևս չի մեկնաբանել այս մեղադրանքները։
Քուվեյթը ևս հայտնել է Իրանից հարձակումների ինտենսիվ ալիքի մասին, որը շարունակվում է արդեն մի քանի ժամ։
Երկրի հակաօդային պաշտպանությունը հետ է մղում հարվածները, այդ թվում՝ անօդաչու թռչող սարքերի և հրթիռների։
ԱՄԷ-ն իր հերթին հայտնել է հրթիռային սպառնալիքի մասին. հակաօդային պաշտպանության համակարգերը որսում են թիրախները, և հայտարարվել է տագնապ, պնդում է արաբական կողմը։