Գլխավոր դատախազության շենքի դիմաց Դավիթ Մինասյանին աջակցող ակցիայի ընթացքում նրա փաստաբան Լուսինե Մարտիրոսյանը լրագրողների հետ զրույցում ներկայացրել է վերջինիս առողջական վիճակը։

Փաստաբանի խոսքով՝ ինքը առավոտյան այցելել է Դավիթ Մինասյանին, որի մոտ նկատվել են գլխացավեր և ընդհանուր ինքնազգացողության հետ կապված գանգատներ։ Նա նշել է, որ փորձել է այցի ընթացքում չավելացնել նրա հոգեբանական ծանրաբեռնվածությունը։

Մարտիրոսյանը ընդգծել է, որ երիտասարդի վիճակը մտահոգիչ է՝ շեշտելով, որ այս պահին առաջնայինը նրա առողջությունն ու կյանքի անվտանգությունն է, իսկ կրթության իրավունքի հարցը երկրորդ պլանում է գտնվում։

«Դավիթը լավ չի, ժողովուրդ ջան»,-նշել է նա: