Շիրակի մարզում ողբերգական ավտովթարից երեխաներ են զոհվել, վթարի մասնակիցներից մեկն օտարերկրացի է
Fri, 10 Apr 2026 16:10:31 +0400
Շիրակի մարզի Աղին բնակավայրի մոտակայքում տեղի ունեցած վթարի հետևանքով տուժել է 11 քաղաքացի: Այս մասին տեղեկացնում են ՀՀ առողջապահության նախարարությունից:
«Հանրապետական շտապօգնության ծառայության միջոցով 5 երեխա հոսպիտալացվել է, որոնցից երկուսի կյանքը, ցավոք, փրկել չի հաջողվել: Կազմակերպվում է տուժած 3 երեխայի տեղափոխումը երևանյան բուժհաստատություն:
Մյուս տուժածների առողջական վիճակը գնահատվում է ծանր և ծայրահեղ ծանր: Գտնվում են վերակենդանացման բաժանմունքում:
Պատահարից գրանցվել է 6 քաղաքացու մահ»,- ասվում է հաղորդագրությունում:
Մեր տեղեկություններով, վթարի մասնակիցներից մեկը եղել է օտարերկրյա քաղաքացի, հավանաբար՝ չինացի։