Telegram-ի հիմնադիր Պավել Դուրովը մեղադրել է Եվրամիությանը՝ Համացանցում գրաքննությունը եւ հետապնդումները ուժեղացնելու մեջ՝ իր հսկողության տակ գտնվող ոչ կառավարական կազմակերպությունների եւ ԶԼՄ-ների միջոցով։ Այս մասին նա գրել է իր տելեգրամյան ալիքում։ Համաձայն Դուրովի, Բրյուսելը դրա համար օգտագործում է AI Forensics կառույցը։ Նա հայտարարել է, որ այդ կազմակերպությունը աշխատում է Եվրահանձնաժողովի օգտին եւ ֆինանսավորվում է Ջորջ Սորոսի կողմից։

Այդ կազմակերպությունը Telegram-ը համարել է խնդիր, քանի որ մարդիկ կարող են այլ սոցկայքերի բովանդակությունը քննարկել տելեգրամյան փակ խմբերում։ Իր հրապարակմանը կից՝ նա հրապարակել է ֆրանսիական պետական France24-ում հրապարակված հոդվածը, որտեղ ասվում է այն մասին, որ մարդիկ բաժանվում են երկու խմբի՝ նրանք, ովքեր վիրավորական հրապարակումներ են անում սոցկայքերում, եւ նրանք, ովքեր դրանք օգտագործում են Telegram-ում։ Դուրովի կարծիքով այդ թեզիսը տարածում են մի շարք առաջատար եվրոպական ԶԼՄ-ներ, ինչպիսիք են՝ El País, Der Spiegel, Wired, AFP, Le Parisien, 20 Minutes, Ouest-France եւ Le Figaro պարբերականները։ Գործարարը կարծում է, որ նման ոչ խելամիտ թեզիսների տարածումը պետք է կանխել եւ թույլ չտալ հասարակությանը մոլորության մեջ գցել։