Իսրայելի քաղաքականությունը Հիտլերի քաղաքականությունից չի տարբերվում․ Էրդողան
Sat, 11 Apr 2026 12:00:37 +0400
Թուրքիայի նախագահ Ռեջեփ Թաիփ Էրդողանը հայտարարել է, որ Իսրայելի կողմից մահապատիժը՝ բացառապես պաղեստինցի բանտարկյալների նկատմամբ կիրառելու որոշումը համարժեք է «ապարտհեյդի» և օրենքը վերածում է ռասիստական ֆաշիզմի գործիքի։
«Մի՞թե միայն պաղեստինցի բանտարկյալների վրա մահապատիժ կիրառելը, ըստ էության, ապարտհեյդ չէ։ Մի՞թե դա օրենքը որպես ռասիստական ավտորիտարիզմի գործիք օգտագործելը չէ։
Կա՞ արդյոք իրական տարբերություն հրեաների դեմ Հիտլերի հրեշավոր քաղաքականության և Իսրայելի խորհրդարանի կողմից այդպիսի հաղթական զգացումով ընդունված որոշման միջև։
Մի՞թե այս բոլոր գործողությունները պարզապես պաղեստինցի ժողովրդի դեմ ուղղված ժխտման, բնաջնջման, ճնշման և քաղաքական բռնաճնշումների ևս մեկ դրսևորում չեն։
Անկասկած, այս գործողությունները համարժեք են խտրականության և ռասիզմի։ Սա նշանակում է ներդնել ավելի վատ համակարգ, քան 1994 թվականին Հարավային Աֆրիկայում քանդված ապարտհեյդի ռեժիմը», – ասել է Էրդողանը։