Ընտանիքի 4 անդամի հոգեհանգիստն էր այսօր, պապիկը ևս տարիներ առաջ ավտովթարի զոհ էր դարձել
Sat, 11 Apr 2026 21:43:18 +0400
Երեկ Հանրապետությունը ցնցեց Շիրակի մարզի Աղին բնակավայրի մոտակայքում տեղի ունեցած ողբերգական ավտովթարը, որի հետևանքով տուժել էին 11 քաղաքացի։ Հանրապետական շտապօգնության ծառայության միջոցով հոսպիտալացվել է 5 երեխա, որոնցից երկուսի կյանքը, ցավոք, փրկել չի հաջողվել։ Կազմակերպվել է նաև երեխաների տեղափոխումը երևանյան բուժհաստատություններ։
Մյուս տուժածների առողջական վիճակը գնահատվում է ծանր և ծայրահեղ ծանր, նրանք գտնվում են վերակենդանացման բաժանմունքներում։
Պատահարի հետևանքով մահացել է 6 քաղաքացի։ Մահացածների թվում են նույն ընտանիքի 4 անդամ։ 5 երեխաներից երկուսը, նրանց հայրը և տատիկը։ Բժիշկները շարունակում են պայքարել 28-ամյա մայրիկի և երեք երեխաների կյանքի համար, որոնցից երկուսի վիճակը գնահատվում է բավականին ծանր։
Մեր տեղեկություններով՝ տուժած երեխաները տեղափոխվել են Երևանի «Սուրբ Աստվածամայր» և «Ուիգմոր» բժշկական կենտրոններ։
Այսօր Շիրակի մարզի Ջրառատ գյուղում տեղի է ունեցել ընտանիքի չորս անդամների՝ հոր, տատիկի և երկու երեխաների հոգեհանգստի արարողությունը։ Ինչպես պատմեցին գյուղացիներից, գյուղում անասելի սուգ է։ Ընտանիքի հայրը 31 տարեկան էր, երեխաները՝ 1 և 5 տարեկան։ Հարազատներից պատմեցին նաև, որ տարիներ առաջ ընտանիքի պապը նույպես զոհվել էր ավտովթարից։ «Ասես, էս ընտանքին անեծք է էդ ավտովթարը»-, ասաց գյուղացիներից մեկը