Բրիտանիան մշակում է պատերազմին պատրաստվելու ծրագիր
Sun, 12 Apr 2026 15:45:19 +0400
Sky News-ի փոխանցմամբ՝ Մեծ Բրիտանիան մշակում է պատերազմին պատրաստվելու ծրագիր։
Լոնդոնը մշակում է պատերազմի առաջին ժամերին և օրերին գործողությունների ծրագիր՝ պատրաստվում է պատերազմական վիճակի անցնելու ազգային ծրագիր։
Սա, ըստ էության, «Կառավարական պատերազմի գրքի»՝ սառը պատերազմի ժամանակ Մեծ Բրիտանիայի կողմից պահպանվող գաղտնի արտակարգ իրավիճակների ծրագրի ժամանակակից տարբերակն է։
Ծրագիրը կներառի զինված ուժերը, ոստիկանությունը, հիվանդանոցները, արդյունաբերությունը և նույնիսկ քաղաքացիական բնակչությունը։
Ամբողջ հարցն այն է, որ սառը պատերազմի ժամանակներում, էլ չասած` դրան նախորդած Երկրորդ համաշխարհայինում Բրիտանիան իրոք ուներ պատերազմի պատրաստ բանակ` հզորության բավարար մակարդակով: Իսկ ահա հեգեմոնիայի ժամանակներում դրանից բան չի մնացել: Ու թե ներկա բանակով Բրիտանիան ինչպես է պատերազմելու, մեծ հարցական կա: