«Խաղաղության գետը»
Mon, 13 Apr 2026 13:45:47 +0400
Երևանի ավագանու «Մայր Հայաստան» խմբակցության անդամ Արշակ Սարգսյանը անդրադարձել է մայրաքաղաքում առկա ենթակառուցվածքային խնդիրներին՝ հատկապես ջրահեռացման համակարգին։
Նրա խոսքով՝ անձրևների ժամանակ Երևանի փողոցները հաճախ վերածվում են «գետերի», ինչը պայմանավորված է ջրահեռացման համակարգի թերի աշխատանքով կամ որոշ հատվածներում դրա բացակայությամբ։
Սարգսյանը նաև քննադատել է քաղաքային իշխանություններին՝ նշելով, որ առկա խնդիրները վկայում են կառավարման արդյունավետության պակասի մասին։ Նրա գնահատմամբ՝ այս իրավիճակը լուրջ անհարմարություններ է ստեղծում քաղաքացիների համար և պահանջում է շտկման հստակ քայլեր։
«Տիգրան Ավինյան, ՔՊ-ն ժողովրդի գլխին բեռ է դարձել»,- նշել է նա: