ԱՄՆ-ում ձերբակալել են Իրանի նախկին փոխնախագահի որդուն․ ինտրիգը մեծ է
Mon, 13 Apr 2026 16:30:57 +0400
ԱՄՆ իշխանությունները զրկել են գրին-քարտից և ձերբակալել Իսա Հաշեմիին՝ Իրանի կանանց և ընտանեկան հարցերով նախկին փոխնախագահ Մասումե Էբտեքարի (ով պաշտոնը զբաղեցրել է 2017-ից 2021 թվականներին) որդուն: Այս մասին ասվում է Պետդեպի հայտարարության մեջ:
Նրա կինը և որդին նույնպես ձերբակալվել են: Այժմ սպասում են արտաքսման: Հայտարարության համաձայն՝ երեքն էլ ԱՄՆ են ժամանել 2014 թվականին և 2016 թվականին ստացել են գրին-քարտեր։
Նախկինում ԱՄՆ իշխանությունները չեղյալ են հայտարարել 2020 թվականին ԱՄՆ-ի կողմից սպանված Իսլամական հեղափոխության պահապանների կորպուսի (ԻՀՊԿ) «Ղոդս» ուժերի հրամանատար, գեներալ Ղասեմ Սոլեյմանիի զարմուհու և թոռնուհու գրին քարտերը։
ԱՄՆ կառավարությունը նաև չեղյալ է հայտարարել Իրանի դեմ ռազմական գործողության ժամանակ սպանված Իսլամական Հանրապետության Ազգային անվտանգության գերագույն խորհրդի քարտուղար Ալի Լարիջանիի դստեր և նրա ամուսնու օրինական մշտական բնակության կարգավիճակը։ Նրանց նաև արգելվել է մուտք գործել երկիր։