Ինչո՞ւ են սպանել Մրգաշենի ատամնաբույժին. ի՞նչ վարկած են քննում իրավապահները
Tue, 14 Apr 2026 00:09:36 +0400
Կոտայքի մարզի Մրգաշեն գյուղում ապրիլի 13-ին տեղի ունեցած դանակահարության հետևանքով սպանված տղամարդը գյուղի ատամնաբույժն էր` Արթուր Ավագյանը։
Նրան դանակահարել են իր տան դիմաց։ Արթուրը դանակի մի քանի հարված էր ստացել։
Շտապօգնության բժիշկները թեև ամեն ինչ արել են, սակայն նրա կյանքը փրկել չի հաջողվել։
Նա ամուսնացած էր, 3 երեխաների հայր։ «Հրապարակ»-ի տեղեկություններով` նրա եւ համագյուղացու միջեւ խնդիր է եղել` կապված մեկ աղջկա հետ, իրավապահ համակարգի նախնական վարկածն այն է, որ նրանց միջեւ «աղջկա թեմա է» եղել, ինչը շատ դեպքերում սպանությամբ կամ ծեծով է ավարտվում։
Դեպքի հանգամանքները պարզելու համար Քննչական կոմիտեում քրեական վարույթ է նախաձեռնվել։