Արման Թաթոյանն Արմավիրում ուսանողների հետ հանդիպմանը ներկայացրել է «Միասնության թևերի» կրթական ծրագրի առանցքային դրույթները։

Կարճ ներկայացնում ենք դրանք․

✅ Կդադարեցնենք դպրոցների «կույր օպտիմալացումը», որպեսզի սահմանամերձ բնակավայրերում դպրոցները չփակվեն։

✅ Կանցնենք 11-ամյա պարտադիր կրթության՝ լրացուցիչ 1 տարվա ընտրովի հնարավորությամբ։ Ավագ դպրոցի ծրագիրը կնախատեսի բուհական կյանքին ինտեգրվելու կամ միջին մասնագիտական որակավորում ստանալու իրական հնարավորություններ։

✅ Գյուղական համայնքներում դպրոցական կյանքն ակտիվացնելու, մանկավարժներին խրախուսելու նպատակով կվերականգնենք «Գյուղական ուսուցիչ» ծրագիրը՝ արական սեռի երիտասարդներին զինծառայությունից տարկետման հնարավորությամբ։

Մանկավարժները կունենան մինչև 0% վարկի, մեկնարկային ֆինանսավորման հնարավորություն, իսկ երկարաժամկետ աշխատանքի դեպքում՝ տվյալ բնակավայրում հողամաս կամ միանվագ ֆինանսական աջակցություն։

✅ Կրթության բյուջեն կհասցնենք ՀՆԱ-ի առնվազն 5 տոկոսի։ Ավելին, օրենքով կամրագրենք, որ կրթության ոլորտին պետական հատկացումները ՀՆԱ-ի 3,5 տոկոսից պակաս չի կարող լինել։

✅ ՀՀ պետական բուհերում ՀՀ քաղաքացիների համար բարձրագույն կրթությունը կլինի անվճար։

✅ Մասնավոր բուհերում ուսանողների համար կներդնենք ուսման և ապրելու ծախսերի հատուցման ճկուն վարկեր՝ առանց ուսման ընթացքում վճարման պարտավորության։

✅ Կապահովենք պետություն-բուհ–աշխատաշուկա կապ, այդ թվում՝ պետության պատվիրած աշխատատեղերով։

✅ Կձևավորենք բուհական 3 խոշոր կենտրոն՝ հյուսիսում, հարավում և Երևանում։