Փեզեշքիանը Մակրոնին հայտնել է ԱՄՆ-ի հետ կապված Իրանի դիրքորոշումը
Tue, 14 Apr 2026 17:30:19 +0400
Իրանի նախագահ Մասուդ Փեզեշքիանը հայտարարել է, որ Եվրոպան կարող է կառուցողական դեր խաղալ Իրանի շուրջ ստեղծված ճգնաժամի լուծման գործում՝ խրախուսելով Միացյալ Նահանգներին բանակցել միջազգային նորմերի շրջանակներում։
Նա այս հայտարարությունն արել է Ֆրանսիայի նախագահ Էմանուել Մակրոնի հետ հեռախոսազրույցի ժամանակ։
Ըստ Փեզեշքիանի՝ Իրանը պատրաստ է շարունակել երկխոսությունը միայն միջազգային նորմերի հիման վրա՝ իր ժողովրդի իրավունքները պաշտպանելու համար։ Նա ընդգծել է, որ վերջնական համաձայնության հասնելը խոչընդոտվում է ԱՄՆ վարչակազմի կողմից ներկայացվող չափազանց պահանջների և քաղաքական կամքի բացակայության պատճառով, չնայած փորձագիտական մակարդակով առաջընթացին։
Իրանի նախագահը նաև նշել է, որ Միացյալ Նահանգների կողմից Իրանի վրա գործադրվող սպառնալիքներն ու ճնշումները անարդյունավետ են և միայն սրում են իրավիճակը։