«Ինչքան էլ Հայաստանում արդարադատությունը հիվանդացել է ու գլոբալ առումով չի գործում, շատ մեծ հույս ունեմ, որ այս ամենի վերջը ի վերջո լինելու է , որովհետև ամեն դեպքում բաներ կան, որոնք պետք է իրեց չափի և սահմանի մեջ լինեն վերջապես։ Ինչքան էլ ուզենան արդարադատությանը սպանել, բայց , կարծում եմ, պատմականորեն ենք համոզվել, որ դա իսկապես հնարավոր չէ»,- այս մասին քիչ առաջ Հակակոռուպցիոն դատարանի բակում, լրագրողների հետ զրույցում ասաց «Ուժեղ Հայաստանի» ներկայացուցիչներից Ռուբեն Մխիթարյանը։ Հակակոռուպցիոն դատարանում, հիշեցնենք, այս պահին քննվում է «Ուժեղ Հայաստանի» առաջնորդ Սամվել Կարապետյանի գործը։

«Այն, ինչ հիմա կատարվում է Հայաստանում, աշխարհում չտեսնված ու չլսված բան է։ Ընդդիմադիր ուժի փաստացի առաջնորդը արդեն մեկ տարի է կալանավորված է ու փաստորեն չի կարողանում շփվել իր ռեալ ընտրողների հետ, հասարակության հետ։ Սա իսկապես չլսված բան է»,- ասաց նա։