Անգամ գիտությունն են սեռականացնում
Wed, 15 Apr 2026 23:15:16 +0400
Գաղտնիք չէ, որ օրվա իշխանությունները ցանկանում են ժամանակակից երևալ, այդ պատճառով շատ հաճախ խոսում են կանանց իրավունքներից, սակայն երբ գալիս է գործնականում կին հարգելու և կանանց տեղ տալու պահը, գործ ունենք մի այնպիսի կնատյաց վարչակարգի հետ, որն անգամ պատրաստ է հղի կնոջը վրաերթի ենթարկել և սառնասրտորեն դեպքի վայրից հեռանալ:
Չնայած ՔՊ-ական իշխանությունների կնատյաց քաղաքականությանը, մայր բուհում` ռեկտոր Հովհաննես Հովհաննիսյանի թեթև ձեռքով ֆորում է կազմակերպվել` գիտությամբ զբաղվող կանանց խնդիրների թեմայով:
ԵՊՀ-ի կայքէջում ասվում է, որ վերջին տարիներին ամբողջ աշխարհում իրականացված միջազգային և ազգային բազմաթիվ կրթական ծրագրերի շնորհիվ կանայք այժմ ակտիվ ներգրավված են գիտության ամենատարբեր բնագավառներում:
Այս տեսանկյունից Հայաստանի Հանրապետությունում գրանցվել է ինչպես կին գիտնականների թվաքանակի աճ, այնպես էլ գիտական ծրագրերի ֆինանսավորման, ռեսուրսների և հնարավորությունների ընդլայնում: Նշանակալից է, որ բազային ֆինանսավորմամբ ներառված կին գիտնականների ՀՀ ցուցանիշը մոտ 1.7 անգամ ավելի բարձր է, քան համաշխարհային միջին ցուցանիշը:
Ստացվում է, որ մերօրյա «կնամեծար» Հայաստանում գիտությունն անգամ սեռականացվում է: