Մտահոգիչ դիտարկում
Thu, 16 Apr 2026 11:26:40 +0400
Երեկ ՔՊԿ առաջինը ներկայացրեց ընտրափաստաթղթերը՝ ընտրացուցակի տղամարդկանց կեսը պարտադիր զինծառայություն չի անցել, այդ թվում՝ Փաշինյան, Միրզոյան, Պապոյան, Հարությունյան, Թորոսյան /մասամբ/, Խաչատրյան, Մկրտչյան, Գաբրիելյան, Սանոսյան, Ավինյան, Թունյան, Բագրատյան, Մաթևոսյան, Քոչարյան և այսպես շարունակ․․․
Կանխատեսում ենք, որ նույն պատկերը կրկնվելու է նաև քաղաքական մյուս ուժերի մոտ, որոնց առաջնորդներն հիմնականում չեն անցել պարտադիր զինծառայություն։ Իսկ ԵՄ չափանիշները խիստ են և արդարացի՝
ՉԵՍ ԾԱՌԱՅԵԼ ԵՐԿՐԻԴ, Ի՞ՆՉ ԻՐԱՎՈՒՆՔ ՈՒՆԵՍ ԱՅՆ ՆԵՐԿԱՅԱՑՆԵԼ։«Սակայն ԿԸՀ-ն, որը 2024-2025թթ. իր հաշվետվությունները ներկայացրեց ԱԺ դատարկ դահլիճում, խոստանալով «ժողովրդավարական ընտրություններ», շարունակում է անտեսել գործող օրենսդրությամբ սահմանված պահանջները։ Գրանցման փուլում ԿԸՀ-ն այդպես էլ չի կիրառում «Հանրային ծառայության մասին» օրենքով սահմանված սահմանափակումները՝ կապված զինծառայության, դատվածության կամ անհամատեղելի հիվանդությունների հետ, որոնք պարտադիր պետք է դառնան պատգամավորի թեկնածուների «ֆիլտրման» հիմք։»
Օրինակ, առ այսօր, հայաստանցի ընտրողը չգիտի և չի կարողանում իմանալ՝
1 – Պետության փաստացի ղեկավարի զինծառայություն չանցնելու պատճառը,
2 – Պաշտպանության նախարարի դատվածության մանրամասները,
3 – Նախարար Մաթևոսյանի զինծառայություն չանցնելու դեմ հարուցված քրգործի ճակատագիրը․․․
Իսկ ու՞ր մնաց հայաստանցու ընտրական իրավունքը՝ մինչև ե՞րբ․․․Մի՞թե կարելի է ԵՄ չափանիշներին ձգտել դրանք ոտնահարելով կամ հույսը դնելով ԵՄ-ական «մանկապարտեզային ծափահարությունների» վրա։
ՕՐԻՆ-2026