Հայկ Ստվերը ստվերի նման հետեւում է Փաշինյանին․ նրան վարչապետն է հրավիրել
Thu, 16 Apr 2026 19:15:31 +0400
Նիկոլ Փաշինյանի «Վարչաբենդ» խումբը կիրակի օրը հերթական ելույթն է նախատեսում ունենալ Գյումրու հրապարակում։ Արդեն այնտեղ բեմ են հավաքում։ Ի դեպ, Գյումրին այսօր ամենահակաիշխանական քաղաքն է համարվում՝ Գյումրիի ընտրված քաղաքապետը բանտում է, թեմի առաջնորդը՝ տնային կալանքի տակ եւ տասնյակ գյումրեցիներ են հետապնդվել՝ հակաիշխանական պայքարին մասնակցելու համար։
Մենք տեղեկացանք, որ «Վարչաբենդին» միացել է եւ Գյումրիի համերգին մասնակցելու է նաեւ նաև ԲՏԱ նախարար Մխիթար Հայրապետյանի եղբայրը՝ Հայկ Ստվերը, ով 2028թ-ի հշխանափոխության ժամանակ կատարում էր Նիկոլ Փաշինյանի հեղինակած «Իմ քայլը» երգը։ «Հրապարակ»-ը զրուցել է Հայկ Ստվերի հետ։
-Ինչպե՞ս է ստացվել, որ վարչապետական թիմում երգում եք, ո՞ւմ կողմից եք հրավեր ստացել։
-Ես անմիջապես թիմի անդամ չեմ, բայց իրենց հետ երգում եմ։ Ինձ վարչապետն է հրավիրել։
-Գյումրիում էլ եք երգելո՞ւ։
-Նախորդ համերգներին էլ եմ երգել, այս համերգին էլ եմ ներկա լինելու։
-Ի՞նչ ֆորմատով եք մասնակցություն ունենալու։ Ձեր երգացանկից երգեր կատարելո՞ւ եք։
-Երկու երգերը, որոնց բառերի հեղինակը վարչապետն է, առայժ դրանք ենք կատարելու, բայց առաջարկներ արել եմ, որ ավելացնենք երգացանկը։
– Աշխատավարձ ստանո՞ւմ եք և ֆիքսվա՞ծ թիվ է, թե՞ յուրաքանչյուր համերգից հոնորար են վճարում։
-Աշխատավարձ ունենք ֆիքսած, ֆիքսված թիվ ենք ստանում, շատ փոքր թիվ է՝ 100 հազար դրամին մոտ։
– Որպես երգիչ, ինչպե՞ս եք գնահատում Նիկոլ Փաշինյանի նվագը, ձեզ համար նա ինչպիսի՞ երաժիշտ է։
– Դե չէ, չեմ պատասխանի էդ հարցին։