Պուտինի հետ համաձայն է հանդիպել Թուրքիայում
Fri, 17 Apr 2026 16:00:52 +0400
Ուկրաինայի արտաքին գործերի նախարար Անդրեյ Սիբիգան հայտարարել է, որ Կիևը պատրաստ է Թուրքիայում հյուրընկալել Ուկրաինայի նախագահ Վլադիմիր Զելենսկու և Ռուսաստանի նախագահ Վլադիմիր Պուտինի հանդիպումը՝ Թուրքիայի և ԱՄՆ նախագահներ Ռեջեփ Թայիփ Էրդողանի և Դոնալդ Թրամփի մասնակցությամբ։
«Մենք պատրաստ ենք Թուրքիայում Զելենսկու-Պուտին ձևաչափով առաջնորդների հանդիպմանը՝ Էրդողանի և Թրամփի մասնակցությամբ», – հայտարարել է Սիբիգան։
Նախարարը նաև ասել է, որ Ուկրաինան վերջերս այս ազդանշանը փոխանցել է իր թուրք գործընկերներին, քանի որ Թուրքիան «կարևոր դեր է խաղում խաղաղության ջանքերում»։
Ռուսաստանի նախագահ Վլադիմիր Պուտինը բազմիցս հրավիրել է Ուկրաինայի նախագահ Վլադիմիր Զելենսկուն հանդիպելու Մոսկվայում։ Կրեմլը վերջին անգամ նման առաջարկ է արել 2026 թվականի փետրվարին։
Սիբիգան այս առաջարկը անվանել է «անընդունելի», մինչդեռ Զելենսկին ինքը պնդում էր, որ Պուտինը փորձում է հետաձգել իր հետ հանդիպումը՝ այս հրավերով։ «Մեր ամերիկացի գործընկերները մեզ ասացին, որ Պուտինը ինձ հրավիրել է Մոսկվա։ կարծում եմ, որ եթե դուք ցանկանում եք, որ հանդիպումը չկայանա, ապա պետք է ինձ հրավիրեք Մոսկվա», – ասել է Ուկրաինայի նախագահը։