Դիաբետի միջազգային ֆեդերացիան՝ The International Diabetes Federation (IDF)-ը, պաշտոնապես հայտարարել է, որ առկա է դիաբետի հինգերորդ տիպը, որը տասնամյակներ շարունակ վիճարկվում էր գիտնականների կողմից։ Համաձայն տարածված հայտարարության, The International Diabetes Federation (IDF)-ը կոչ է արել Առողջապահության համաշխարհային կազմակերպությանը ներառել այն հիվանդությունների գլոբալ դասակարգման ցանկում։ Խոսքը այսպես կոչված՝ թերսնման հետ կապված դիաբետի մասին է։ Մասնագետների գնահատմամբ՝ այս տարատեսակի հետ կարող է առնչվել ոչ պակաս, քան 25 միլիոն մարդ՝ նախ եւ առաջ Ասիայի եւ Աֆրիկայի բնակիչներ, որտեղ տարածված է խրոնիկ սննդային դեֆիցիտը։ Առաջին անգամ որպես հիվանդության տեսակ նկարագրվել է 1955 թվականին, սակայն հետագայում փաստացիորեն մոտացության է մատնվել։

20-րդ դարի վերջին Առողջապահության համաշխարհային կազմակերպությունը այն հանել է հիվանդությունների գլոբալ դասակարգման ցանկցի՝ տեղեկությունների սակավության պատճառով։ Դրանից հետո՝ գիտնականների մոտ միասնական կարծիք հնարավոր չի եղել ձեւավորել այն մասին, թե արդյոք այն առաջին տեսակ է հանդիսանում դիաբետի, որպես հիվանդություն։ Այժմ սակայն, հետազոտական նյութերի բավարար քանակությամբ առկայության պայմաններում, մասնագետները կրկին բարձրացրել են այդ հարցը։ Ի տարբերություն դիաբետի մյուս հայտնի տեսակների, այս տեսակը առաջանում/զարգանում է ոչ թե աուտոիմուն պրոցեսների կամ անառողջ կենսակերպի պատճառով, այլ տեւականորեն օրգանիզմում սննդարար նյութերի պակասի պատճառով։ Նման պացիենտների մոտ խաթարվում է ենթաստամոքսային գեղձի բնականոն աշխատանքը։ Այն սկսում է ոչ բավարար քանակությամբ ինսուլին արտադրել։ Ընդ որում, ինսուլինի հանդեպ զգայունակությունը պահպանվում է։ Դրա համար էլ հաճախ հիվանդությունը ճիշտ չի ախտորոշվում՝ սխալմամբ այն դասակարգելով առաջին կամ երկրորդ խմբում։ Արդյունքում՝ պացիենտները ստանում է ստանդարտ բուժում, որը կարող է նույնիսկ վնասել նրանց։