ՌԴ ՊՆ-ն՝ գիշերային վերջին հարձակման մասին
Sat, 18 Apr 2026 14:00:58 +0400
ՀՕՊ ուժերը անցած գիշերվա ընթացքում ՌԴ տարածաշրջանների և Ազովի ու Սև ծովերի ջրային տարածքների վրա խոցել են 258 ուկրաինական անօդաչու թռչող սարք։ Այս մասին այսօր հայտնել է Ռուսաստանի պաշտպանության նախարարությունը: «Ապրիլի 17-ի ժամը 20.00-ից (Մոսկվայի ժամանակով – խմբ.) մինչև ապրիլի 18-ի ժամը 08.00-ն ՀՕՊ-ի հերթապահ միջոցները որսացել և ոչնչացրել են ինքնաթիռային տիպի 258 ուկրաինական անօդաչու թռչող սարքեր Աստրախանի, Բելգորոդի, Բրյանսկի, Լենինգրադի, Նովգորոդի, Պսկովի, Ռոստովի, Վոլգոգրադի, Վորոնեժի, Կուրսկի, Սամարայի, Սարատովի, Սմոլենսկի, Տամբովի, Ուլյանովսկի մարզերի, Կրասնոդարի երկրամասի, Ղրիմի Հանրապետության տարածքներում, ինչպես նաև Ազովի ու Սև ծովերի ջրային տարածքներում», – ասվում է հաղորդագրության մեջ։