Այսօր Նիկոլ Փաշինյանն այցելել էր Հայոց ցեղասպանության զոհերի հուշահամալիր՝ ծանոթանալու հուշահամալիրում իրականացվող նորոգման աշխատանքներին։ Ակնհայտ է, որ նա ուզում է սրբագրել ցեղասպանության հիշատակը ժխտելու, Հայ Դատից հրաժարվելու մասին արված նախորդ հայտարարություններ: Հուշահամալիրում նրան ուղեկցում ու աշխատանքներին ծանոթացնում էր ԿԳՄՍ նախարար Ժաննա Անդրեասյանը։

ՀՑԹԻ-ի տնօրենի ԺՊ Հրաչյա Թաշչյանը թեև ամբողջ ընթացքում ուղեկցում էր նրանց, սակայն ողջունելուց և հրաժեշտ տալուց բացի որևէ այլ բառ չարտաբերեց։ Փաշինյանին կատարված աշխատանքներին ծանոթացրեցին նաև նախագծող ու շինարարությունն իրականացնող ընկերության ներկայացուցիչները։ Ի դեպ թեև աշխատանքային օր էր և թանգարանը ևս աշխատում էր, սակայն Փաշինյանը թանգարան չմտավ և գիտաշխատողների հետ որևէ շփում չունեցավ։

Հիշեցնենք, որ Հրաչյա Թաշչյանն այդ պաշտոնին նշանակվել է Էդիտա Գզոյանի սկանդալային հրաժարականից հետո։ Թաշչյանին Ցեղասպանության թանգարան-ինստիտուտի անձնակազմը, գիտաշխատողները չեն ընդունում և նրա հետ շփումներ չունեն։ Նա նախկինում եղել է Նիկոլ Փաշինյանի օգնականը: