Որ դեպքում պատերազմը Մերձավոր Արեւելքում կվերսկսվի, ըստ Թրամփի
Sat, 18 Apr 2026 21:00:49 +0400
Միացյալ Նահանգների նախագահ Դոնալդ Թրամփը հայտարարել է, որ Միացյալ Նահանգները կարող են վերադառնալ Իրանում ռազմական գործողությունների վերսկսմանը, եթե Վաշինգտոն-Թեհրան գործարքը չկայանա։ Այս մասին հայտնում է CNN-ը։ Թրամփը նաեւ ասել է, որ եթե մինչեւ հրադադարի ժամկետի լրանալը հնարավոր չեղավ համաձայնության հասնել, հնարավոր է, որ ինքն այլեւս չերկարացնի հրադադարը, որպեսզի բանակցությունները շարունակվեն։ Հիշեցնենք, որ առաջիկա չորեքշաբթի լրանում է Իրանական էսկալացիայում հայտարարված երկշաբաթյա հրադադարի ժամկետը։ Նա նաեւ ասել է, որ այդ դեպքում բլոկադան էլ կշարունակի գործել, ռազմական գործողություններն էլ կվերսկսվեն։
Թրամփը նաեւ հայտարարել է, որ համաձայնության կնքումից հետո, որոշակի մի փուլում նաեւ դուրս կբերվի Իրանում եղած հարստացված ուրանը։ «Մենք այնտեղ կգնանք Իրանի հետ միասին, կվերցնենք ամբողջը եւ կուղարկենք Միացյալ Նահանգներ։ Եթե այդպես չլինի, մենք կվերցնենք այն այլ՝ շատ ավելի նվազ բարեկամական ձեւով»,- ընդգծել է Սպիտակ տան ղեկավարը։ Այնուամենայնիվ՝ Թրամփի գնահատմամբ՝ Մերձավոր Արեւելքում իրավիճակը, որը առնչվում է Իրանին, դասավորվում է բարենպաստ ձեւով եւ գործարքը կկայանա։