Իրանի պատասխանը չուշացավ․ հարձակումներ ամերիկյան ռազմանավարերի վրա
Mon, 20 Apr 2026 13:00:21 +0400
Իրանի զինված ուժերը հայտարարել են ամերիկյան ռազմանավերի դեմ անօդաչու թռչող սարքերով հարվածների մասին՝ ի պատասխան Իսլամական Հանրապետությանը պատկանող նավի գրավման։ Այս մասին հայտնել է Tasnim լրատվական գործակալությունը՝ հղում անելով Իրանի զինված ուժերի «Խաթամ ալ-Անբիա» կենտրոնական շտաբի խոսնակին։
Հաղորդագրության համաձայն՝ ամերիկյան զինվորականների կողմից գրավված նավը Չինաստանից ուղևորվում էր դեպի Օմանի ծոց։ Ամերիկյան զինվորականները կրակ են բացել նավի վրա՝ «խախտելով հրադադարը» և անջատելով դրա նավիգացիոն համակարգը։
Ի պատասխան՝ Իրանը անօդաչու թռչող սարքերի միջոցով հարձակվել է ամերիկյան նավերի վրա։ Խոսնակը հայտարարել է, որ Իրանի զինված ուժերը կշարունակեն արձագանքել ամերիկյան կողմից «ծովահենությանը» և հարձակումներին։
Գործակալությունը չի տրամադրել հարվածների մասշտաբների կամ հնարավոր վնասի մասին լրացուցիչ մանրամասներ։