Դպրոցում արյունալի մեջադեպերի պատճառը «կոյուղու» վերածված սոցցանցներ են․ Էրդողան
Tue, 21 Apr 2026 10:30:36 +0400
Թուրքիայի նախագահ Ռեջեփ Թայիփ Էրդողանը, մեկնաբանելով դպրոցներում տեղի ունեցող զինված միջադեպերը, հայտարարել է, որ սոցիալական ցանցերը կործանարար ազդեցություն են ունենում երեխաների և դեռահասների վրա։
«Որոշ հարթակներ վերածվում են իսկական «կոյուղու»՝ այլասերելով մեր երեխաների մտքերը»,-ասել է նախագահը կառավարության նիստից հետո ժողովրդին ուղղված ուղերձում։
Նրա խոսքով՝ թվային միջավայրն ավելի ու ավելի է դուրս մղում ավանդական շփումն ընտանիքում։
«Մենք հաճախ չենք պատկերացնում, թե ում հետ և ինչպես են շփվում մեր երեխաները վիրտուալ աշխարհում, երբ կողքի սենյակում են, իսկ ծնողների հետ անցկացրած ժամանակը զիջում է էկրանների առջև անցկացրած ժամանակին»,-նշել է Էրդողանը։
Հիշեցնենք՝ ապրիլի 14-ին Շանլիուրֆա նահանգի դպրոցներից մեկում զինված հարձակում էր տեղի ունեցել, որի հետևանքով մոտ 20 մարդ էր տուժել։ Հարձակվողը նախկին աշակերտն է եղել, նա ինքնասպանություն է գործել։
Դրանից մեկ օր անց՝ ապրիլի 15-ին զինված միջադեպ տեղի ունեցավ նաև Ղահրամանմարաշի դպրոցներից մեկում, որի հետևանքով զոհվեց 9 մարդ՝ 8 աշակերտ և 1 ուսուցիչ։ Կան տասնյակ տուծածներ։ Հարձակվողը 8-րդ դասարանի աշակերտ էր, որը ևս ինքնասպան է եղել։