Բան ու գործ չունեն՝ թող ըմբոշխնեն իմ նամակները
Tue, 21 Apr 2026 15:35:02 +0400
Ադրբեջանագետ Արմինե Ադիբեկյանը Ֆեյսբուքի էջում գրել է. «Մի քանի օրա messenger-ս չի աշխատում, որոշեցի, որ երևի սերվերի խնդիրա, հատկապես, որ առանձնապես չեմ էլ օգտագործում։ Բանից պարզվեց՝ լոմել են, ինչ-որ մոգական ձևով գաղտնաբառս են իմացել, իսկ SMS-ները պերեխվատ են արել, ես էլ բանից բեխաբար։ Բնականա, որ պետության միջամտություն է տեղի ունեցել։ Պրիչոմ համակարգչի վրա աշխատումա, հեռախոսի վրա՝ ոչ։ Հը՞, հայվաններ, հետաքրքիրա՞, հեսա ձեր ազիզ պատվին պոռնո սայթերից վիդեոներ քաշեմ, գոնե էդքան տխուր չլինի իմ պերեպիսկաները կարդալ։
Դուք ի՞նչ եք նախընտրում՝ զոոֆիլիա, նեկրոֆիլիա, թե՞ դասական գյոթաստանով եզրափակվենք։ Ընդունվում են պատվերներ։ ՀԳ․ Լսե՛ք, ես հո ձեր նման անուղեղ չեմ, ոչ թվակին հետք թողնեմ եւ ֆեկսբուքով ինձ մատնող խոսակցություններ վարեմ»։
Ադիբեկյանից հետաքրքրվեցինք` ի՞նչ է տեղի ունեցել, ի՞նչ կասկածներ ունի ադրբեջանագետը:
Նա մեզ ասաց. «Չգիտեմ ինչպես են էջս կոտրել, բայց մի գեղեցիկ պահի տեսա, որ չի աշխատում ծրագիրը: Մտածեցի, որ սերվերների հետ կապված խնդիր է, քանի որ երբեմն լինում է նաև այդպես, սակայն ընկերներիցս մեկը ասաց, որ ունեցել է նման խնդիր և գաղտնաբառը փոխելուն պես ամեն բան կարգավորվել է: Իմ գաղտանաբառով ինչ-որ մեկը մեկը մուտք է գործել messenger: Չեմ կարող հստակ ասել, թե ով է այս ամենի ետևում կանգնած, սակայն նման բան անողը ունի պետական աջակցություն, քանի որ առանց իմ իմացության գաղտնաբառ ձեռքբերելը միայն կարող է անել պետական ռեսուրս ունեցողը: Զարմանում եմ, թե ինչու են նման բան արել: Իմ նամակների մեջ ոչ մի հետաքրքիր բան չկա: Կենցաղային բնույթի նամակներ են, որոնք ոչ մի հետաքրքրություն չեն ներկայացնում իրենցից», – ասում է Ա. Ադիբեկյանը: Հնարավո՞ր է, որ Ադրբեջանից արված լինի գործողությունը, հարցրինք մենք, մեր զրուցակիցն ասաց. «Չեմ կարծում, որքանով ես եմ տեղյակ միայն հայկական օպերատորների միջոցով է դա հնարավոր: Մարդիկ բան ու գործ չունեն, թող ըմբոշխնեն իմ նամակները»: