Միգրանտների ժամանակավոր կայան-ճամբարներ կստեղծեն
Thu, 25 Jun 2026 23:55:10 +0400
Եվրամիության մի շարք երկրներ դիտարկում են միգրանտների հատուկ տեղավորման ժամանակավոր կայանների ստեղծման հնարավորությունը։ Այդ կայաններում տեղավորվելու են այն միգրանտները, որոնց ապաստանի հայցերը մերժվել են։ Նրանք այնտեղ մնալու են, մինչեւ վերջնական որոշում կամ հայրենադարձում։ Նախնական տեղեկությունների համաձայն, նման կայանները պետք է ստեղծվեն ԵՄ տարածքից դուրս մի շարք երկրներում, այդ թվում նաեւ՝ Ռուանդայում եւ Ուզբեկստանում։ Այս մասին հայտնում է Politico պարբերականը։ Նախաձեռնությանը կողմ են՝ Գերմանիան, Ավստրիան, Հունաստանը, Դանիան ու Նիդերլանդները։
Հունաստանի վարչապետ Կիրիակոս Միցոտակիսը ասել է, որ այս տարի կկքնվեն նման կայանների ստեղծման առաջին համաձայնագրերը, իսկ դրանք կգործարկվեն 27 թվականից։ Թե էլ որ երկրներում կարող են նման կայաններ ստեղծվել, հայտնի չէ։ Հայտնի է միայն, որ Լիբան ու Եգիպտոսը հանվել են այդ ցանկից, քանի որ համարվել է, որ ԵՄ տարածքին մոտ են գտնվում։ Նախաձեռնությանը դեմ են Ֆրանսիան ու Իսպանիան։ ՄԱԿ Փախստականների հարցերով Գերագույն հանձնակատարն էլ հայտարարել է, որ Եվրամիությունը դառնում է զոհ միգրացիոն իրավիճակի մեկնաբանության ընթացքում կիրառված պոպուլիստական հռետորաբանությանը։