Իրանում կոչ են արել անհապաղ լքել Ծոցի երկրները
Wed, 22 Apr 2026 00:30:09 +0400
Իրանա-ամերիկացի գիտնական, Թեհրանի համալսարանի պրոֆեսոր, քաղաքական վերլուծաբան և մեկնաբան Մոհամմադ Մարանդին Պարսից ծոցի երկրներից անհապաղ տարհանման կոչ է արել։
Սոցցանցերում իր գրառման մեջ Մարանդին նշել է, որ «բոլորը պետք է անհապաղ լքեն ԱՄԷ-ն, Կատարը, Բահրեյնը, Սաուդյան Արաբիան և Քուվեյթը»։
Ավելին, նա զգուշացնում է, որ «Պարսից ծոցի բոլոր նավերի նավաստիները նույնպես պետք է պատրաստվեն տարհանմանը։ Սա հատկապես ակտուալ է Հորմուզի նեղուցի մոտ գտնվող նավերի համար, որոնք առաջինը կոչնչացվեն։ Ժամանակը սպառվում է»։
Մոհամմադ Մարանդին հաճախ է ներկայանում միջազգային լրատվամիջոցներում (BBC, CNN, Al Jazeera և այլն) որպես Իրանի և Մերձավոր Արևելքի քաղաքական մեկնաբան։