Նախարարի դեղնակտուց, անփորձ, կիսագրագետ տեղակալները չմասնակցեցին քննարկմանը

Նախարարի դեղնակտուց, անփորձ, կիսագրագետ տեղակալները չմասնակցեցին քննարկմանը

Wed, 22 Apr 2026 12:15:41 +0400


2018 թ. «հեղափոխության» ժամանակ Փաշինյանը հայտարարում էր, որ հեղափոխություն է լինելու նաեւ գյուղատնտեսության ոլորտում:

Բազմաթիվ գյուղացիներ եւ գյուղատնտեսության ոլորտի մասնագետներ, ոգեւորվելով Փաշինյանի այդ կոչից, կարծում էին, թե գյուղատնտեսության նախարարության նախկին բարձրաստիճան պաշտոնյաները պատասխանատվության կենթարկվեն, գյուղատնտեսության ոլորտից թալանված գումարները կոպեկ առ կոպեկ հետ կվերադարձվեն, իսկ իշխանություններն էլ դեմքով կշրջվեն դեպի գյուղը: Գյուղացիներն ակնկալում էին նաեւ, որ այդ «հեղափոխության» արդյունքում իրենց համար կստեղծվեն գյուղում ապրելու եւ աշխատելու նորմալ պայմաններ, կնվազեն գյուղական աղքատությունը եւ արտագաղթը, կզարգանան գյուղը եւ գյուղատնտեսությունը:

«Հեղափոխությամբ» ոգեւորված գյուղացիները որոշ ժամանակ անց մեծ հիասթափություն ապրեցին՝ տեսնելով, որ երկրում լուծարվեց գյուղատնտեսության նախարարությունը, արդյունքում՝ տեղի ունեցավ գյուղոլորտի որակյալ մասնագետների կադրային ջարդ, իսկ օպտիմալացման անվան տակ լուծարվեցին ոլորտի մի շարք կարեւոր ՊՈԱԿ-ներ՝ իրենց փորձառու մասնագետներով:
«Հեղափոխություն»-ից 8 տարի անց (չնայած երկրի իշխանություններն ամպագոռգոռ հայտարարում են՝ «ապագա կա, կա ապագա»), իրականում, կառավարության կողմից գյուղատնտեսության ոլորտում իրականացվում են գոյատեւման, կարկատան որոշ ծրագիր-միջոցառումներ: «Ժողովրդավարության բաստիոն» համարվող երկրում քաղաքացիական հասարակության ներկայացուցիչների հետ գյուղատնտեսության զարգացման ռազմավարական ծրագրերի շուրջ քննարկումներ, քաղաքական երկխոսություն, առողջ բանավեճեր կառավարության կողմից չեն կազմակերպվում:

Հիշեցնում եմ, որ մտահոգված երկրում իրականացվող անհեռատես եւ անարդյունավետ ագրարային քաղաքականությամբ՝ «Ֆերմերային շարժում» կազմակերպությունը, ԵՄ Արեւելյան գործընկերության քաղաքացիական հասարակության ֆորումի Հայաստանի ազգային պլատֆորմի հետ համատեղ, վերջերս դիմել էր էկոնոմիկայի նախարարին՝ առաջարկելով կազմակերպել «Հայաստանում գյուղատնտեսության ներկա վիճակը եւ զարգացման հեռանկարները» թեմայով քննարկում: Նպատակը՝ գյուղատնտեսության ոլորտի դերակատարների միջեւ՝ պետական կառույցների, փորձագետների, քաղաքացիական հասարակության եւ ամենից առաջ գյուղացիների միջեւ ուղիղ երկխոսության ապահովումը՝ համատեղ գործնական եւ իրատեսական առաջարկությունների ձեւակերպումը, որոնք կապահովեն Հայաստանում գյուղատնտեսության կայուն զարգացումը:
Քննարկմանը նախատեսված էր հրավիրել ԱԺ պատգամավորների, Ագրարային համալսարանի ռեկտորին եւ միջազգային դոնոր կառույցների ներկայացուցիչների:

Նկատի ունենալով, որ էկոնոմիկայի նախարարը գյուղատնտեսության ոլորտի ներկայացուցիչ չի հանդիսանում, ագրարային քաղաքականության հարցերի պատասխանները մենք ակնկալում էինք լսել գյուղատնտեսության հարցերով էկոնոմիկայի նախարարի տեղակալներ Արման Խոջոյանից եւ Տաթեւ Սարգսյանից (ի դեպ, նրանք համակարգում են գյուղատնտեսության ոլորտի տարբեր ճյուղեր):

Համոզված եմ, որ էկոնոմիկայի նախարարի դեղնակտուց, անփորձ եւ կիսագրագետ տեղակալները չցանկացան մասնակցել քննարկմանը, որովհետեւ չունեին այն հարցերի պատասխանները, որոնք բարձրացվելու էին քննարկման ընթացքում։ Չցանկացան անգամ լսել ոլորտի ներկայացուցիչների խորհուրդները, դիտողությունները եւ առաջարկությունները: Նման վերաբերմունքի հետեւանքով է՛լ ավելի կխորանան գյուղական աղքատությունը, երկրի պարենային անվտանգությունը եւ արտագաղթը:
Զարմանալ պետք չէ, սա «ժողովրդավարության բաստիոն» Հայաստանն է:

Հայաստանի նման աղքատ, ագրարային երկրում գյուղատնտեսության զարգացման համար անհրաժեշտ է հստակ մշակված, նպատակային եւ արդյունավետ գյուղատնտեսության զարգացման ռազմավարական ծրագիր, որը դժվար թե իրականացվի ներկայիս էկոնոմիկայի նախարարության որդեգրած քաղաքականության միջոցով:

Սարգիս Սեդրակյան
«Ֆերմերային շարժում» ՀԿ նախագահ,
Ռազմավարական ծրագրերի
քաղաքացիական համագոր­ծակցության ցանցի նախագահ

© 2026 Secure News Portal

Source: Hraparak

Hraparak.am

Recent Posts

Ուր են այդ գումարները. ժողովուրդը պիտի իմանա

Ուր են այդ գումարները. ժողովուրդը պիտի իմանա Wed, 18 Nov 2026 13:10:07 +0400 ԱԺ-ում պետական…

9 րոպե ago

Կարապետյանի աշխատավարձից տեղյակ եք, տնտեսական թվերից՝ ո՞չ

Կարապետյանի աշխատավարձից տեղյակ եք, տնտեսական թվերից՝ ո՞չ Wed, 18 Nov 2026 13:06:27 +0400 ԱԺ-ում պետական…

12 րոպե ago

Կրկնակի հարձակում Ղրիմի կամրջի վրա

Կրկնակի հարձակում Ղրիմի կամրջի վրա Wed, 18 Nov 2026 13:00:34 +0400 Նոյեմբերի 17-ին Ուկրաինայի զինված…

18 րոպե ago

Հերիք է մեղքը գցեք սրա-նրա վրա, կանգնեցրեք սա

Հերիք է մեղքը գցեք սրա-նրա վրա, կանգնեցրեք սա Wed, 18 Nov 2026 13:00:29 +0400 Latest…

18 րոպե ago

«Հրապարակ». Իրենք միլիոններ են ստանում, սահման պահողին 180 հազար դրամ են տալիս

«Հրապարակ». Իրենք միլիոններ են ստանում, սահման պահողին 180 հազար դրամ են տալիս Wed, 18 Nov…

33 րոպե ago

Նիկոլ Փաշինյանն ընդմիջումից հետո չի վերադարձել բյուջեի քննարկմանը

Նիկոլ Փաշինյանն ընդմիջումից հետո չի վերադարձել բյուջեի քննարկմանը Wed, 18 Nov 2026 12:36:14 +0400 Latest…

42 րոպե ago