Ձայնագրությունները մոնտաժված են
Wed, 22 Apr 2026 16:53:28 +0400
Կենտրոնական ընտրական հանձնաժողովի շենքի բակում Արամ Վարդևանյանը լրագրողների հետ զրույցում անդրադարձել է հրապարակված ձայնագրություններին՝ նշելով, որ դրանք իր համոզմամբ մոնտաժված են։ Նրա խոսքով՝ նման նյութերի բազմաթիվ օրինակներ հայտնի են, և հանրության մի զգալի հատվածի մոտ դրանք ձևավորում են տպավորություն, որ խոսքը հերթական մանիպուլյացիոն, կեղծ ու ապակողմնորոշող քարոզչության մասին է։
Վարդևանյանը նաև մեկնաբանել է Գոհար Ղումաշյանի վերաբերյալ դեպքը՝ ընդգծելով, որ վերջինս պարզապես ցանկացել է 103-ամյա կնոջ ծննդյան կապակցությամբ նրան հեռուստացույց նվիրել։
Նա հավելել է նաև, որ միջազգային փորձի տեսանկյունից համատարած գաղտնալսումների կիրառումը դրական երևույթ չէ։