Կանխիկ դոլար չեն տրամադրում՝ ճնշում գործադրելու համար
Wed, 22 Apr 2026 20:30:11 +0400
Միացյալ Նահանգները դադարեցրել է Իրաքին կանխիկ դոլարի տրամադրումը։ Միաժամանակ նաեւ՝ ԱՄՆ նախաձեռությամբ սառեցվել է Վաշինգտոն-Բաղդադ անվտանգային ոլորտում համագործակցությունը։ Այդ քայլով ամերիկյան կողմը փորձում է հասնել նրան, որ ստիպի Բաղդադին լուծարել իրանամետ զինված խմբավորումները, որոնք գործում են Իրաքի տարածքում։ Այս մասին հայտնում է The Wall Street Journal պարբերականը։
Ըստ հրապարակման, ԱՄՆ Ֆինանսների նախարարությունը արգելափակել է մոտ 500 միլիոն դոլարի փոխանցումը Իրաքին, որը գոյացել է իրաքյան նավթի վաճառքից։ Գումարը պետք է փոխանցվեր Նյու-Յորքի պահուստային դրամատան հաշիվներից։ Ամերիկյան վարչակազմը նաեւ սառեցրել է իրաքցի զինվորականների եւ հակաահաբեկչական ստորաբաժանումների ներկայացուցիչների պատրաստման հետ կապված ծրագրերը։