Լարսը կրկին փակ է․ մանրամասներ
Thu, 23 Apr 2026 11:00:31 +0400
Վերին Լարսի անցակետ տանող ճանապարհը, Վրաստանից Ռուսաստան ուղղությամբ, փակվել է մեծ բեռնատարների համար։ Այս մասին հայտնել է Վրաստանի ճանապարհների դեպարտամենտը։
«Մցխեթա-Ստեփանծմինդա-Լարս միջազգային մայրուղու Գուդաուրի-Կոբի հատվածը ժամանակավորապես փակ է կցորդիչներով և կիսակցորդիչներով տրանսպորտային միջոցների համար», – ասվում է հաղորդագրության մեջ։
Ճանապարհների դեպարտամենտից հայտնում են, որ պատճառը տեղացած առատ ձյունն է։
Հիշեցնենք, որ Վերին Լարսի անցակետը ներկայում գործող միակ ցամաքային ճանապարհն է, որը Հայաստանը կապում է Ռուսաստանի հետ (Վրաստանով)։