Պատերազմն էլի սկսվե՞ց, ինչ է կատարվում Թեհրանում
Thu, 23 Apr 2026 11:30:23 +0400
Անցած գիշեր Թեհրանի արևելյան և արևմտյան հատվածներում «բազմաթիվ պայթյուններ» են լսվել, հաղորդում է Iran International-ը՝ հղում անելով ականատեսներին։
Ականատեսների խոսքով՝ ձայները նման են եղել հակաօդային պաշտպանության համակարգերի ակտիվացմանը։
Պայթյունները լսվել են Թեհրանի արևելյան հատվածի Փարդիս շրջանում։ Պայթյունների մասին հաղորդվել է նաև Իրանի մայրաքաղաքի արևմտյան շրջաններում, այդ թվում՝ Չիթգարում։
Միևնույն ժամանակ, Tasnim-ը հաղորդում է, որ Իսլամական հեղափոխության պահապանների կորպուսը (ԻՀՊԿ) հայտարարել է ԱՄՆ-ի և Իսրայելի հետ հակամարտության ընթացքում «անսպասելի գործողություններ» անցկացնելու իր պատրաստակամության մասին, որոնք «գերազանցում են թշնամու հաշվարկները»։
ԻՀՊԿ-ի հիմնադրման տարեդարձին նվիրված հայտարարության մեջ, ի թիվս այլնի, նշվում է՝ կազմակերպությունը կարծում է, որ ունակ է գործել «ռազմադաշտում նոր հաղթաթղթերով»։ Նշվում է նաև, որ ԻՀՊԿ ուժերը գտնվում են բարձր պատրաստվածության վիճակում և պատրաստ են արձագանքել հնարավոր սպառնալիքներին և հետագա հարվածներ հասցնել հետագա սրման դեպքում։