Խաչիկ Գալստյանը կմնա տնային կալանքի տակ
Thu, 23 Apr 2026 14:53:07 +0400
Դատարանն այսօր 3 ամսով երկարացրեց Խաչիկ Գալստյանի տնային կալանքը: Հաշվի առնելով տնային կալանքում այլ անձանց հետ հաղորդակցվելու արգելքը՝ Խաչիկ Գալստյանն իր խոսքը փոխանցում է իմ միջոցով.
«Ադրբեջանում հայերին դատում են սեփական հայրենիքը պաշտպանելու, նախնիների արյան կանչի հետևից գնալու ու ազգային մեծ երազանք ունենալու համար:
Հայաստանում հայերին դատում են սեփական հավատքին տեր կանգնելու ու հայրենիքը շատ սիրելու համար։
Եթե աշուղ Ջիվանին ապրեր մեր օրերում, ապա Հայաստանում տեղի ունեցող քաղաքական կրկեսի մասին կգրեր հետևյալ տողերը.
Հայը կանչում է թուրքին,
Էստի’ համեցեք,
Թուրքը մորթում է հային,
Խելքի’ աշեցեք։
Թուրքը դատում է հային,
Աշխարհ, իմացե’ք,
Հայը դատում է հային,
Խելքի’ աշեցեք։
Խաչիկ Գալստյան
Խղճի, հավատքի ու հայրենիքի կալանավոր»:
Փաստաբան Արսեն Բաբայան