Ե՞վս մեկ մահափորձ․ Թրամփին ու Վենսին հազիվ են փրկել, վիրավորներ կան (տեսանյութ)(տեսանյութ)
Sun, 26 Apr 2026 11:34:18 +0400
Սպիտակ տան թղթակիցների ասոցիացիայի ընթրիքին, որի մասնակցում էր նաև ԱՄՆ նախագահ Դոնալդ Թրամփը, կրակոցներ են հնչել։ Թրամփին շտապ դուրս են բերել ընթրիքից։ Փոխնախագահը Վենսը ևս ներկա է եղել ընթրիքին, նրան ևս արագ տարհանել են։
Միջոցառումը, որն անցկացվում էր Washington Hilton հյուրանոցում, արագ ընդհատվել է հնչած կրակոցների պատճառով։ Գաղտնի ծառայության գործակալները՝ զինված հրացաններով, վազել են բեմ, որտեղ նստած է եղել Թրամփը։
Մինչ մյուս մասնակիցները, որոնք նստած են եղել նախագահությունում, հրահանգ են ստացել դեպի ներքև թեքվել և սկսել են մտնել սեղանի տակ, գործակալներն օգնել են ԱՄՆ նախագահին կանգնել, ապա նրան դուրս են բերել դահլիճից։
Կրակողը զինված է եղել որսորդական հրացանով և փորձել է ճեղքել անվտանգության օղակը։ Նա կրակել է Գաղտնի ծառայության աշխատակցի վրա, սակայն գնդակը դիպել է զրահաբաճկոնին։ Ավելի ուշ նրան ձերբակալել են․ պարզվել է, որ նա Կալիֆոռնիայի 31-ամյա բնակիչ Քոուլ Թոմաս Ալլանն է։ Նա վիրավոր է, տեղափոխվել է հիվանդանոց։
Ինչպես հայտնում է CNN-ը, ԱՄՆ նախագահը և նրա վարչակազմի մյուս անդամներն անվտանգ են, միջադեպի հետևանքով ոչ ոք չի տուժել։