Վազգեն Սարգսյանը երբեք հանձնված վիճակի հետ չի համակերպվել
Mon, 21 Sep 2026 11:52:27 +0400
ՀՀ անկախության օրվա կապակցությամբ պաշտոնյաներն ու քաղաքական գործիչներն այցելել են «Եռաբլուր» զինվորական պանթեոն՝ հարգանքի տուրք մատուցելու Հայաստանի համար զոհվածների հիշատակին։
Այցի ընթացքում լրագրողները ՔՊ-ական պատգամավոր Անդրանիկ Քոչարյանից հետաքրքրվել են, թե ինչպես, իր կարծիքով, կվերաբերվեր Վազգեն Սարգսյանը, եթե այսօր ողջ լիներ և տեսներ, որ Արցախն այլևս հայկական վերահսկողության ներքո չէ։
Ի պատասխան՝ Քոչարյանը նշել է, որ Վազգեն Սարգսյանն Արցախը երբեք դատարկված վիճակում չէր պատկերացնում։
«Հրապարակի» լրագրողի դիտարկմանը, թե խոսքը ոչ միայն դատարկված, այլև հանձնված Արցախի մասին է, Քոչարյանը ընդգծել է, որ Վազգեն Սարգսյանը նման իրավիճակի հետ երբեք չէր համակերպվի։
«Վազգեն Սարգսյանը երբեք հանձնված վիճակի հետ չի համակերպվել»,– ասել է նա՝ հավելելով, որ այդ մոտեցումը, իր խոսքով, ակնհայտ է։