Միգուցե այդ մարդկա՞նց էլ խայտառակեք, ինչպես գեներալ Մանվելին արեցիք
Mon, 27 Apr 2026 16:15:39 +0400
Հայկական ԶԼՄ-ներում և սոցիալական ցանցերում տեղեկություն է տարածվել, որ Երևանին մոտ մի հողատարածքում հայտնաբերվել են թափված հազարավոր զինվորական համազգեստներ` նոր, հատուկ նշանակության ռազմական հագուստ, քնապարկեր, հատուկ ռազմական սնունդ և այլն։ Ընդ որում, ակնհայտ է, որ սա հենց այն է, ինչ Սփյուռքի մեր եղբայրներն ու քույրերն ուղարկում էին հայ զինվորին 44-օրյա պատերազմի ընթացքում։
Եւ այստեղ ես հիշեցի, թե ինչպես «թավշյա հեղափոխության պայծառ դեմքերը» տեղեկատվական կատաղի հարձակում կազմակերպեցին գեներալ Մանվել Գրիգորյանի դեմ՝ իբր զինվորական պահածոների համար («տուշոնկա, որով իբր կերակրում էին արջերին»)։
Եւ այսպես, ինձ շատ հետաքրքիր է՝ ո՞վ, ո՞ւմ հրամանով և ինչպե՞ս է աղբանոց նետել զինվորական նշանակության այդ հագուստը, պահածոներ և այն ամենը, ինչ այդքան անհրաժեշտ էր բանակին պատերազմի ժամանակ։ Ո՞վ։
Միգուցե այդ մարդկա՞նց էլ ցույց տաք հեռուստատեսությամբ։ Միգուցե իրենց նույնպես խայտառակ անեք։ Միգուցե վերջապես հանե՞ք ձեր գլուխները թուրքական «դոշակի» տակից և ասե՞ք ճշմարտությունը՝ ինչպես, ինչու և ում պատճառով երկիրը վերածեցիք ինչ-որ պրոթուրքական ժանտախտային բարաքի։
Թե՞ նորից սկսելու եք պատմել հիմար հեքիաթներ` գոյություն չունեցող «խաղաղության» մասին նրանց հետ, ովքեր պատրաստվում են մեզ սպանել։
Պարզապես հրեշավոր է, թե ինչպես՝ «թավշյա» խորովածը լմլմլացնելուն զուգահեռ, փորձում են մեզ վերածել բթացած կենդանիների, որոնք պատրաստ են Հայրենիքը փոխանակել մի «վեդրո» ադրբեջանական բենզինի հետ։
Արման Աբովյան