Երբ է լուծվելու հեղուկ գազի խնդիրը

Երբ է լուծվելու հեղուկ գազի խնդիրը

Mon, 27 Apr 2026 16:57:54 +0400


ԱԺ «Հայաստան» խմբակցության պատգամավոր Գառնիկ Դանիելյանը անդրադարձել է վերջին շաբաթվա ընթացքում Հայաստանում հեղուկ գազի շուկայում առաջացած լուրջ խնդիրներին։

Նրա խոսքով՝ Երևանում և մարզերում հեղուկ գազի գինը կտրուկ աճել է՝ որոշ վայրերում հասնելով 260-300 դրամի։ Միաժամանակ, որոշ գազալցակայաններում առաջացել է դեֆիցիտ, ինչը քաղաքացիների համար լրացուցիչ դժվարություններ է ստեղծել։

Դանիելյանը նշել է, որ մարդիկ արդեն սոցիալական ցանցերում միմյանց տեղեկացնում են, թե որտեղ կարելի է գտնել հեղուկ գազ, իսկ որոշ քաղաքացիներ հրաժարվում են գազի բալոններից՝ ավելացնելով իրենց ծախսերը։ Նրա խոսքով՝ տաքսու վարորդները նույնպես բախվում են լուրջ խնդիրների, քանի որ վառելիքի պակասը խաթարում է նրանց աշխատանքը։

Պատգամավորը հիշեցրել է, որ ամիսներ առաջ հեղուկ գազի գինը եղել է մոտ 170 դրամ, և ներկայում արձանագրված է շուրջ 60-70 տոկոս թանկացում։

Գառնիկ Դանիելյանը ընդգծել է, որ բազմիցս բարձրաձայնել է ոլորտում առկա գնային տատանումների և խնդիրների մասին՝ կոչ անելով պետական մարմիններին և Տնտեսական մրցակցության պաշտպանության հանձնաժողովին ուսումնասիրել իրավիճակը և քայլեր ձեռնարկել շուկայի կարգավորման ուղղությամբ։

Նա առաջարկել է պարզել՝ թանկացումները պայմանավորված են օբյեկտիվ պատճառներով, թե շուկայում կան անարդար մրցակցային գործողություններ։ Դանիելյանի խոսքով՝ անհրաժեշտ է նաև վերահսկել մատակարարման շղթան և սահմանային գործընթացները, եթե խնդիրները կապված են ներմուծման հետ։

Պատգամավորը նշել է, որ շուկայի անկայունությունը և վերահսկողության բացակայությունը հանգեցնում են շարունակական թանկացումների, որոնց հիմնական բեռը կրում են սովորական քաղաքացիները։

Վերջում նա հայտնել է, որ համապատասխան հարցով գրություններ է ուղարկել ՀՀ Էկոնոմիկայի նախարարությանը և ՏՄՊՊՀ-ին՝ պահանջելով պարզաբանումներ:

© 2026 Secure News Portal

Source: Hraparak

Hraparak.am

Share
Published by
Hraparak.am

Recent Posts

Հնարավոր է նոր ամերիկա-ռուս-ուկրաինական բանակցություններ լինեն

Հնարավոր է նոր ամերիկա-ռուս-ուկրաինական բանակցություններ լինեն Sun, 22 Nov 2026 17:30:30 +0400 Ուկրաինայի նախագահ Վլադիմիր…

5 րոպե ago

Ես հանում եմ 2019 թվականին Նիկոլ Փաշինյանին արված առաջարկը

Ես հանում եմ 2019 թվականին Նիկոլ Փաշինյանին արված առաջարկը Sun, 22 Nov 2026 17:15:40 +0400…

20 րոպե ago

Փլատակներում մարդիկ են մնացել, այդ թվում՝ երեխաներ․ ռուսների գրոհը Կիևի մարզին

Փլատակներում մարդիկ են մնացել, այդ թվում՝ երեխաներ․ ռուսների գրոհը Կիևի մարզին Sun, 22 Nov 2026…

35 րոպե ago

Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով

Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով Sun, 22…

50 րոպե ago

Պրեմիերա. Ջիվան Գասպարյան կրտսերը նոր տեսահոլովակ է ներկայացրել

Պրեմիերա. Ջիվան Գասպարյան կրտսերը նոր տեսահոլովակ է ներկայացրել Sun, 22 Nov 2026 16:42:17 +0400 Պրեմիերա.…

53 րոպե ago

Բելգիան գործադուլի պատճառով 14 ժամով կփակի իր օդային տարածքը

Բելգիան գործադուլի պատճառով 14 ժամով կփակի իր օդային տարածքը Sun, 22 Nov 2026 16:30:03 +0400…

1 ժամ ago