Կիրանցի պատի համար պետական պարգևների են արժանացել
Wed, 29 Apr 2026 20:49:29 +0400
Ապրիլի 26-ին Տավուշի մարզ այցելության ժամանակ իր լայվում Նիկոլ Փաշինյանը՝ ավտոմեքենա վարելով և Կիրանցը ցույց տալով հայտարարեց․ «Էս էլ նոր ճանապահն ա Կիրանցի, որը մենք ռեկորդային կարճ ժամանակում կառուցեցինք։ էս էլ էսպես պատի նման մի բան, և ես շինարարներին միջնորդեցի, որ հանրապետության նախագահը պետական պարգևի արժանացնի և նրանք արժանացան պետական պարգևի՝ կարճ ժամանակաշրջանում էս խնդիրը կատարելու համար»:
Ապա հավելեց. «Սա Կիրանցի հայտնի պատն ա, որը մեր անկախության և պետության կարևոր սիմվոլներից է»։
Իրականում Կիրանցի պատը ՀՀ տարածքներ հանձնելու եւ ադրբեջանական հենակետը գյուղին մոտեցնելու, գյուղը երկու մասին բաժանելու եւ բնակիչների անվտանգությունը ադրբեջանցի զինվորի հայեցողությանը թողնելու խորհրդանիշն է։