Ինչ վտանգներ է պարունակում ցավազրկողների չափից դուրս շատ ընդունումը
Thu, 30 Apr 2026 00:00:35 +0400
Ցավազրկող դեղամիջոցների առանց վերահսկման եւ չափից դուրս շատ ընդունումը կարող է լուրջ սպառնալիքներ առաջացնել մարդու առողջության համար։ Ռուս մասնագետ Տատյանա Գոլովչանսկայան նշել է, որ առանց մասնագետի նշանակման ոչ ստերոիդային ցավազրկող դեղորայքով ինքնաբուժությունը կարող է բերել խոցային հիվանդությունների։ Դա հատկապես կարող է լինել չափից դուրս շատ «Իբուպրոֆեն» խմելուց։ «Առաջին հայացքից ամեն բան պարզ է ու տագնապների առիթ չի տալիս․ խմեցիր դեղահաբը, ցավը նահանջեց, ամեն բան նորմալ է։ Սակայն ժամանակի ընթացքում այն կարող է դառնալ սովորություն, երբ մարդը պարզապես դեղահաբով է «օգնում» օրգանիզմին։
Դա կարող է դառնալ մշտական եւ վատ է»։ Ժամանակի ընթացքում դա օրգանիզմի համար դառնում է ավելորդ ծանրաբռնվածություն եւ օրգանիզմը կարող է տարբեր նեգատիվ երեւույթներով արձագանքել դրան։ Կարող են առաջանալ ստամոքսային խոցեր, աղեստամոքսային արյունահոսություններ։Խնդիրն այս դեպքում՝ ոչ թե դեղամիջոցն է, այլ ընդունման կանոններին չհետեւելը։ Մասնագետը խորհուրդ է տալիս դեղ ընդունելիս ուշադիր լինել ոչ միայն ցուցումներին, այլ նաեւ՝ հակացուցումներին, թույլատրելի ժամկետներին ու դոզաներին։