Ինչ է կատարվում Ռուսաստանում․ Կիևի հուժկու հարձակումները
Thu, 30 Apr 2026 13:30:02 +0400
Ուկրաինայի ռազմածովային ուժերը հարվածել են Ղրիմի կամուրջը պահպանող ռուսական մոտորանավակներին, հայտնում են ուկրաինական ԶԼՄ-ները։
Անցած գիշեր Կերչի նեղուցում հարվածներ են հասցվել Ռուսաստանի ԱԴԾ-ի «Սոբոլ» պարեկային և «Գրաչոնոկ» հակադիվերսիոն մոտորանավակներին։ Ուկրաինայի զինված ուժերը հայտնել են հարվածից հետո սանիտարական և անդառնալի կորուստների մասին։
Պերմի վրա հաղորդվել է ուկրաինական անօդաչու թռչող սարքերի նոր հարձակման մասին, որի հետևանքով քաղաքի վրա ծուխ է բարձրացել։ Տագնապի ազդանշանները շարունակել են հնչել ամբողջ առավոտ։ Տեղի բնակիչները հայտնել են, որ առավոտյան ժամը 7:00-ի սահմաններում քաղաքի հարավում մի քանի պայթյուններ են լսել։ Քաղաքը հայտարարել է «Գորգ» պլանի մասին և փակել օդանավակայանը։
ՏԳ ալիքների փոխանցմամբ՝ տարհանվել են նաև Պերմի արդյունաբերական շրջանում գտնվող նավթային դպրոցի ուսանողները։
Դասընթացները չեղարկվել են նաև Պերմի պետական համալսարանում, իսկ Պլեխանովի անվան ռուսական տնտեսագիտական համալսարանի ուսանողներն անցել են հեռավար ուսուցման։
Այս գիշեր պայթյուններ են լսվել նաև Նովգորոդի մարզում: