Փաշինյանը Երևանում սպասում է Զելենսկիին
Thu, 30 Apr 2026 13:46:23 +0400
Ուկրաինայի նախագահ Վոլոդիմիր Զելենսկին նախատեսում է այցելել Հայաստան՝ մասնակցելու Երևանում անցկացվող Եվրոպական քաղաքական համայնքի գագաթնաժողովին։ Այս մասին լրագրողների հետ զրույցում հայտարարել է ՀՀ վարչապետ Նիկոլ Փաշինյանը՝ նշելով, որ հրավիրված են համայնքի բոլոր անդամ պետությունների ղեկավարները, այդ թվում՝ նաև Ուկրաինայի նախագահը։
Գագաթնաժողովը կկայանա մայիսի 4-5-ը Երևանում և կհավաքի եվրոպական երկրների առաջնորդներին՝ քննարկելու տարածաշրջանային և համաեվրոպական կարևոր հարցեր։
«Եվրոպական քաղաքական համայնքի բոլոր անդամներին սպասում եմ, այո, ներառյալ Ուկրաինայի նախագահին»,- ասել է նա: