Ինչ կլինի, եթե ԱՄՆ-ն միակողմանի հայտարարի իր հաղթանակի մասին
Thu, 30 Apr 2026 17:30:59 +0400
Ամերիկյան հետախուզությունը Սպիտակ տան պատվերով իրականացնում է գնահատում, թե ինչ հետեւանքներ կունենա՝ եթե Սպիտակ տունը միակողմանի հայտարարի Իրանի դեմ պատերազմի հաղթանակի մասին, հայտնում է Reuters լրատվական գործակալությունը։ Մասնավորապես, ներկայացվում է այն սցենարը, թե ինչ կանի Իրանը, եթե ԱՄՆ նախագահ Դոնալդ Թրամփը հայտարարի, որ Իրանի դեմ ռազմարշավում Միացյալ Նահանգները միակողմանի հաղթանակ է տարել։
Նպատակը՝ Միացյալ Նահանագների կողմից հակամարտությունից միակողմանի դուրս գալու պարագայում Թեհրանի հնարավոր արձագանքն է, հատկապես, որ հակամարտությունը լրջորեն կարող է հարվածել հանրապետականներին առաջիկա կոնգրեսական միջանկյալ ընտրություններում; Վերջնական որոշում դեռ ընդունված չէ եւ լիովին հավանական է, որ Միացյալ Նահանգները նաեւ վերսկսի Իրանի դեմ ռազմական գործողությունները։ Թրամփի թիմում կան խորհրդականներ, ովքեր կարծում են, որ անհրաժեշտ է հակամարտությունը արագ կարգավորել, որպեսզի Թրամփի հանդեպ եղած ճնշումը թուլանա, նույնիսկ եթե Թեհրանն ի վերջո վերականգնի իր միջուկային ծրագիրն ու հրթիռային ծրագիրը եւ հարկ եղած դեպքում սպառնա ԱՄՆ դաշնակիցներին։