Իրանի առաջարկած պայմաններն ընդունել չի կարող
Sat, 02 May 2026 20:00:11 +0400
ԱՄՆ նախագահ Դոնալդ Թրամփը հայտարարել է, որ չի կարող համաձայնվել Իրանի կողմից ԱՄՆ հետ գործարքի կնքման պայմանների հետ։ «Նրանք առաջարկում են այն, ինչին ես համաձայնել չեմ կարող»,- հայտարարել է ԱՄՆ նախագահը՝ Սպիտակ տան լրագրողների հետ հանդիպման ժամանակ՝ պատասխանելով այն հարցին, թե կոնկրետ ինչի հետ համաձայն չէ Թեհրանի ներկայացրած առաջարկի պայմաններից։
Հիշեցնենք, որ ավելի վաղ, իրանական IRNA լրատվական գործակալությունը հայտնել էր, որ Իրանը Պակիստանին էր ներկայացրել ԱՄՆ-ին փոխանցվելիք առաջարկների նոր պլան՝ երկարատեւ խաղաղության գործարքի բանակցությունների համատեքստում։ Պակիստանը, հիշեցնենք նաեւ, որ հանդես է գալիս որպես միջնորդ Թեհրանի եւ Վաշինգտոնի միջեւ։