Հայտնաբերվել է անգլերեն լեզվով գրված հնագույն բանաստեղծությունը
Sun, 03 May 2026 11:00:45 +0400
Հռոմում հայտնաբերվել է մոռացված մի միջնադարյան ձեռագիր, որը պարունակում է անգլերեն լեզվով գրված հնագույն բանաստեղծություններից մեկը։
Այն նաեւ թույլ է տալիս ավելի լավ պատկերացնելու, թե ինչպես են միջնադարում անգլերեն բանաստեղծությունները գրվել եւ տարածվել ողջ Եվրոպայով։
Տեքստը հայտնի է որպես «Քեդմոնի հիմն» անունով։ Առաջին անգամ այս աշխատանքի մասին հիշատակել է պատմիչ Բեդան 8-րդ դարում։ Վերջինս բանաստեղծությունը արձանագրել է որպես համառոտ կրոնական քնարերգություն, որի հեղինակը Քեդմոն անունով մի հովիվ է եղել, կապված Վիթբիի աբբայարանի հետ, որը գտնվել է ժամանակակից Հյուսիսային Անգլիայում։
Քեդմոնն ընդ որում, չի ունեցել կրթություն, սակայն բանաստեղծություններ է սկսել հորինել՝ հոգեւոր յուրահատուկ ապրումից ետո։ Նրա օրհներգությունը փառաբանում է Աստծուն, որպես Արարչի։ Այն մասնագետների կողմից համարվում է անգլիական պոեզիայի վաղագույն օրինակներից մեկը։
Ձեռագրի ուսումնասիրությունը պարզել է, որ Հռոմում գտնվող օրինակը արտագրվել է 800-830 թթ բնօրինակից՝ ոմն իտալացի վանականի կողմից՝ Հյուսիսային Իտալիայում։ Տեքստի լեզուն հին անգլերենն է։
Ձեռագիրը նաեւ բացահայտում է միջնադարյան գրչության ավանդույթների որոշ նրբություններ։ Այն 1200 տարեկան է։