ՌԴ ՊՆ-ն ուկրաինական կողմի հետ հրադադար է հայտարարել
Mon, 04 May 2026 23:00:15 +0400
Մայիսի 8–ին և 9–ին կհայտարարվի հրադադար՝ Հայրենական մեծ պատերազմում խորհրդային ժողովրդի հաղթանակի առիթով։ ՌԻԱ Նովոստիի փոխացմամբ` այդ մասին հայտնել է Ռուսաստանի Դաշնության պաշտպանության նախարարությունը։
«Ակնկալում ենք, որ ուկրաինական կողմը կհետևի այդ օրինակին»,– նշել են գերատեսչությունից:
Միևնույն ժամանակ, ՌԴ ՊՆ–ն, նկատի ունենալով Ուկրաինայի նախագահ Վլադիմիր Զելենսկու սպառնալիքները, թե կհարվածեն Մոսկվային հենց մայիսի 9–ին, ընդգծել է, որ ռուս զինվորականները տոնակատարությունների ժամանակ կձեռնարկեն անվտանգության բոլոր անհրաժեշտ միջոցները և այդ դեպքում պատասխան զանգվածային հրթիռային հարված կհասցնեն Կիևի կենտրոնին:
Ի դեպ, ՌԴ ՊՆ–ն խաղաղ բնակչությանն ու օտարերկրյա դիվանագիտական ներկայացուցչությունների աշխատակիցներին նախազգուշացրել է քաղաքը ժամանակին լքելու անհրաժեշտության մասին: