87 երկիր սպասում է Հորմուզով անցնելուն
Tue, 05 May 2026 12:00:36 +0400
87 երկրներից բեռնատար նավեր սպասում են Պարսից ծոցում՝ Հորմուզի նեղուցով անցնելու համար։
Այս մասին հայտարարել է ԱՄՆ Կենտրոնական հրամանատարության (CENTCOM) ղեկավար, ծովակալ Բրեդ Քուփերը, ինչպես մեջբերվել է հրամանատարության կայքում։
«Պարսից ծոցում գտնվող նավերը ներկայացնում են աշխարհի 87 երկրների շահերը», – ասել է ծովակալը հայտարարության մեջ։
Նրա խոսքով՝ վերջին 24 ժամվա ընթացքում CENTCOM-ը կապ է հաստատել տասնյակ նավատերերի և նավագնացության ընկերությունների հետ՝ երաշխավորելով նրանց անվտանգ անցումը այս ծովային ուղիով։