4 հազար տարեկան դռների մնացորդներ են հայտնաբերվել
Tue, 05 May 2026 20:30:03 +0400
Թուրքիայի արեւմուտքում հնագետները հայտնաբերել են մոտ 4 հազար տարեկան փայտե դռների մնացորդներ։ Արտեֆակտները հայտնբերել են Սեյինթեմեր-Խեյուքի շրջանում իրականացված պեղումների ժամանակ։ Այս մասին հայտնում է Դումուլփինարի համալսարանը։ Համաձայն հաղորդման, սովորաբար օրգանական նյութերը, ինչպիսին նաեւ փայտն է, չեն պահպանվում, դրա համար էլ, ամբողջական պատկերը, թե ինչպիսին են եղել այդ դռները, մասնագետները վերականգնել են գտածոների հիման վրա, որոնք եղել են ածխացած եւ իրենցից ներկայացրել են դռան երեսապատման տախտակներ։
Մնացորդները միջին բրոնզեդարյան շրջանի են։ Դռները եղել են միակողմանի, ուղղանկյուն տեսքի եւ ծառայել են շինությունների մուտքը փակելու համար։ Հավանական է, որ հրդեհ է եղել, ինչի հետեւանքով էլ դռների մնացորդները ածխացել են։ Գիտնականները նշում են, որ գտածոները եզակի են, քանի որ մինչ այժմ պեղված 174 շինությունից միայն 3-ի դեպքում են դռների մնացորդներ հայտնաբերվել։