Արմավիր Բիզնես Ֆորումի շրջանակներում տեղի ունեցավ բիզնեսի զարգացմանը նվիրված պանելային քննարկում, որի գլխավոր հովանավորն էր Ամիօ բանկը։ Նախաձեռնությունը նպատակ ուներ մեկ հարթակում համախմբել բիզնեսի ներկայացուցիչներին և փորձագետներին՝ քննարկելու վաճառքի, մարքեթինգի, բրենդինգի, հաճախորդակենտրոնության և արհեստական բանականության դերը ժամանակակից բիզնեսի աճի գործում։ Պանելային քննարկումը վարում էր Ամիօ բանկի մարքեթինգի, հաճախորդի փորձառության և հաղորդակցության ղեկավար Լիլիթ Մաթևոսյանը։

Քննարկման ընթացքում անդրադարձ կատարվեց մի շարք կարևոր հարցերի՝ վաճառքի և մարքեթինգի փոխկապակցվածությունից մինչև հաճախորդի փոփոխվող վարքագծին, բրենդինգի անհրաժեշտություն մարզային բիզնեսների համար և AI-ի գործնական կիրառություն։

Հիմնական եզրակացություններից մեկն այն էր, որ վաճառքն ու մարքեթինգը չեն կարող դիտարկվել որպես առանձին, իրարից անկախ գործառույթներ։ Ժամանակակից բիզնեսում մարքեթինգը ձևավորում է խոստումը, իսկ վաճառքը այն վերածում է հաճախորդի իրական փորձառության։ Այդ կապի խզումը կարող է ազդել ինչպես վստահության, այնպես էլ բիզնեսի աճի վրա։

Քննարկման ընթացքում նշվեց, որ հաճախորդի վարքագիծը էապես փոխվել է։ Այսօր հաճախորդները դարձել են ավելի պահանջկոտ և տեղեկացված։ Նրանք բիզնեսներին համեմատում են ոչ միայն տվյալ ոլորտի մրցակիցների, այլև տարբեր ոլորտներում առկա լավագույն փորձի հետ։ Միևնույն ժամանակ, չնայած տեղեկացվածության աճին, հաճախորդների որոշումների կայացման մեջ էմոցիոնալ գործոնը շարունակում է կարևոր դեր ունենալ։

Առանձին շեշտադրվեց բրենդինգի դերը փոքր և մարզային բիզնեսների զարգացման գործում։ Քննարկման մասնակիցները ընդգծեցին, որ բրենդինգը շքեղություն չէ, այլ անհրաժեշտություն։ Հստակ դիրքավորումը, վստահության ձևավորումը և տարբերակումը կարող են դառնալ մարզային բիզնեսների մրցունակության և երկարաժամկետ աճի կարևոր նախապայմաններ։

Արմավիրի բիզնեսների զարգացման տեսանկյունից առանձնացվեցին երեք հիմնական ուղղություններ՝ բրենդինգ, հաճախորդակենտրոնություն և նեթվորքինգ։ Ընդգծվեց, որ բիզնեսի կայուն աճի համար այլևս բավարար չէ միայն որակյալ ապրանք կամ ծառայություն ունենալը․ կարևոր է նաև հաճախորդին հասկանալը, շուկայի հետ ճիշտ հաղորդակցվելը և համագործակցային կապեր ստեղծելը։

Քննարկման ընթացքում անդրադարձ կատարվեց նաև արհեստական բանականության կիրառությանը բիզնեսում։ Նշվեց, որ AI-ը կարող է լինել արդյունավետ գործիք հատկապես այն դեպքերում, երբ ընկերությունն ունի տվյալների բազա, հստակ խնդիր և համակարգված գործընթացներ։ Միաժամանակ կարևորվեց տվյալների պաշտպանության, ներքին գիտելիքի կառավարման և տեխնոլոգիաների պատասխանատու կիրառման անհրաժեշտությունը։

Պանելային քննարկման հիմնական ուղերձն այն էր, որ ժամանակակից բիզնեսի աճը միայն վաճառքի ծավալների ավելացման մասին չէ։ Այն սկսվում է հաճախորդին խորությամբ հասկանալուց, վստահություն կառուցելուց, հստակ բրենդ ունենալուց և փոփոխվող միջավայրին արագ հարմարվելու կարողությունից։

Ամիօ բանկը կարևորում է մարզային բիզնես միջավայրի զարգացումը և աջակցում է նման նախաձեռնություններին՝ նպաստելով գիտելիքի փոխանակմանը, նոր կապերի ձևավորմանը և բիզնես մտածողության զարգացմանը մարզերում։
✉ info@amiobank.am | 010 59 20 20 | 🌐 amiobank.am
Բանկը վերահսկվում է ՀՀ ԿԲ կողմից