Ահաբեկված եմ հետևել
Wed, 06 May 2026 15:36:31 +0400
«Ուժեղ Հայաստան» կուսակցության առաջնորդ Սամվել Կարապետյանի փաստաբան Ռոբերտ Ամստերդամը լրագրողների հետ հանդիպման ընթացքում խոսել է տարածաշրջանային քաղաքական գործընթացների մասին՝ անդրադառնալով ղեկավարների հռետորաբանությանը և վերջին գագաթնաժողովի քննարկումներին։ Նրա խոսքով՝ որոշ հայտարարություններ և ձևակերպումներ անհանգստացնող են եղել, հատկապես երբ դրանք վերաբերում են պատմական և քաղաքական զգայուն հարցերին։
Փաստաբանը նաև նշեց, որ իր գնահատմամբ Հայաստանում առկա են լուրջ խնդիրներ իրավական համակարգի և ժողովրդավարական ինստիտուտների գործունեության առումով։ Նա պնդեց, որ քաղաքական ընդդիմախոսների նկատմամբ կիրառվող միջոցները, ինչպես նաև որոշ ոլորտներում ճնշումների մասին տեղեկությունները մտահոգիչ են։
Ամստերդամը հատուկ անդրադարձ կատարեց նաև կրոնական կառույցների շուրջ ստեղծված իրավիճակին՝ նշելով, որ Հայ Առաքելական եկեղեցու նկատմամբ ցանկացած ճնշում կամ միջամտություն հակասում է ինչպես միջազգային, այնպես էլ եվրոպական իրավական նորմերին։ Նրա խոսքով՝ նման գործողությունները չեն համընկնում նաև Հայաստանի և Եվրոպական Միության միջև գոյություն ունեցող համաձայնագրի դրույթների հետ, որը ենթադրում է մարդու իրավունքների, ազատությունների և իրավունքի գերակայության պաշտպանություն։
«Անկեղծ ասեմ, ահաբեկված էի հետևում, թե պարոն Փաշինյանը ինչպես խոսք տվեց պարոն Ալիևին, թե ինչպես պարոն Ալիևը նկարագրեց քրիստոնյա նահատակներին՝ որպես պատերազմական հանցագործներ և պահանջեց, որ հաջորդ գագաթնաժողովն անցկացվի Ադրբեջանում՝ մի երկիր, որը բռնապետության ներքո է»,- նշել է նա: