Ինչ վիճակում է Իրանի գերագույն առաջնորդը
Sat, 09 May 2026 21:30:03 +0400
Իրանի գերագույն առաջնորդ Մոջթաբա Խամենեին լիովին առողջ է, նա արդեն ապաքինվել է ստացած վնասվածքներից։ Այս մասին հայտնում է «Al Araby» հեռուստաալիքը՝ հղում անելով գերագույն առաջնորդ գրասենյակի արարողակարգային ծառայության ղեկավար Մազահեր Խոսեյնիին։ «Մեջքի վնասվածքը լավացել է, իսկ ծունկը շուտով կվերականգնվի», – ասվում է հրապարակման մեջ:
Իրանցի պաշտոնյան հայտարարել է, որ թշնամական ուժերը փորձում են նրա մասին տեղեկություններ ստանալ մահափորձ կազմակերպելու նպատակով: Նշենք, որ Իրանի նոր առաջնորդը տուժել էր փետրվարի 28-ի հարձակման ժամանակ, երբ Իսրայելն ու ԱՄՆ-ն համատեղ ռազմական գործողություն սկսեցին Իրանի դեմ: Ավելի վաղ ամերիկյան ԶԼՄ-ները նույնպես փաստացի հաստատել էին դա՝ հայտարարելով, որ Խամենեին, չնայած ստացած վնասվածքներին, մասնակցում է ԱՄՆ-ի հետ հակամարտության դիվանագիտական կարգավորման ռազմավարության մշակմանը: